按捺不住, 終於公佈!

理論上要到9月, 男友正式簽約後才打算公佈婚訊及開始安排, 不過自己一直希望5月結婚, 一來我們5月開始, 二來....6月是去歐洲的最好時侯!!!!!!!! (日照漸長, 天氣宜人, 但又未開始暑假的酷熱及旺季收費) 好擔心太遲準備訂不到酒席, 一直等啊等啊, 聽到男友下一份工作有眉目後, 就連最後耐性都消磨, 馬上跟父母宣佈!

最初擔心媽媽會要求好多, 竟然意外地(暫時)要求簡單, 接受四不做: 不過大禮, 不上頭, 不出門, 不入門, 甚至禮金低至一個名牌銀包的價錢, 可算超超超值價!!!

月份由我們決定好, 而日子由媽媽按通勝決定~ 確定好一切, 就要馬上進入直路: 訂酒席! 雖然不足一年, 心儀酒樓竟然仲有位

最後就到男友同家人宣佈啦~ 因為是在家庭大形聚會時提出, 最初以為會難為情, 沒想到男友家姐馬上決定贊助紅酒, 男友阿姨們話馬上點清保險箱給我揀金器, 還有他外甥們跑過來抱實我, 說希望快點叫我舅母, 其他親人都為我高興, 感到很真摰的祝福, 真的有點感動

現在開始, 籌辦婚禮進入大直路, 正式接洽和找尋攝影, MUA, 婚妙等等!

當一個正能量準新娘

blog來blog去, 見到好多b2b都為小事抓狂, 媽媽的要求 , 未來奶奶的習慣, 朋友姐妹們唔通氣, 常常雙眼噴火打blog

自己婚事仍未開始籌辦, 隔岸觀火中, 心諗辦既係喜事, 當然希望自己滿意, 家長高興, 賓客歡喜, 不過無可避免有不順心, 以下是自己想法:

父母要求? 這個自己最擔心, 希望撒一下父母嬌可以解決

新抱大戰未來奶奶? 默唸合二姓之好一百遍, 只要不同住萬事有商量

姐妹諸多要求? 既然是好友都知朋友個性, 儘量找平易近人的, 為了避開一個公主病, 決定放棄一group好友, 只要2個「順德人」, 還有要記著對方是義務為自己勞碌奔波, 心情靚曬~

賓客唔賞面? 好行夾唔送, 犯不著為閒人粗心

男友對婚禮最大要求是: 唔好孤寒朋友! 根據多次兄弟心得, 看過好多「阿嫂」為慳錢, 只好叫兄弟姐妹團辛苦, 雖然為朋友, 但勞碌過後, 怨言真的少不了, 尤其婚禮開支最重部份一定不是兄弟姐妹, 情願自己禮服, 花球, 婚鞋等等慳, 都不能待慢朋友

自問是個control freak, 遇上問題肯定大發雷震, 希望先行自我勸勉一番, 千萬要當個正能量新娘! 共勉之!!


他強由他強 清風拂山崗
他橫任他橫 明月照大江
他自狠來他自惡 我自一口真氣足  - 〈九陽神功〉


冰心訣:

心若冰清，天塌不驚
塵垢不沾，俗緣不染
虛空寧宓，混然無物
心無罣礙，意無所執
解心釋神，莫然無魂  - 聶風


夠啦! 癲夠未!!!!

簡簡單單

外國有很多伴娘衫, 或婚禮賓客的晚裝沒有太誇張, 簡簡單單當作敬酒晚裝也好看

兩款也是Monique Lhuillier Bridesmaids系列

Dalia MacPhee Strapless Chiffon Trumpet Gown

Donna Morgan Ruffled Peplum Chiffon Gown

Veni Infantino Pleated One Shoulder Ruffle GownJulietta Veni Infantino Pleated One Shoulder Ruffle Gown

而且售價只是港幣二千左右, 比租借更實惠~ (以上都從nordstrom找到)

而我.....就買了White By Vera Wang伴娘系列的V Neck Sleeveless Chiffon Column Dress, Valentina色, 看照片的大紅色, 應該好適合敬酒用

主要是同樣準備結婚的網友到美國旅遊, 順路到David's Bridal裡看White By Vera Wang, 主動提議由美國人肉替我帶White By Vera Wang回來 (好感動(blushing)), 但自己未想好穿什麼款式的婚紗, 所以就斗膽買了這款~

VW360027-Valentina 官方照

 台灣姑娘放售時的實穿照 (link)

Jill Stuart婚紗

Jill Stuart一向賣公主風著名, 2013年改變和日本婚紗生產商Kuraudia的合作, 正式開設專門店出售自家的婚嫁系列, 暫時只有在日本丸之內店限定發售, 好奇驅使到網站看看葫蘆賣什麼藥, 一看之下.......竟然走的是淘寶公主風! 正宗無眼睇(I don't want to see)

淘寶感十足的公主風婚紗

實拍! 爆款立體玫瑰花婚紗

OMG! 繼續非常淘寶風! 親, 包郵成嗎?

這款不就是上幾篇寫過的<亂世佳人>風嗎!?!?!?!

當中比較「正常」的款式:

全都是上身不俗, 但下襬較蓬, 修身點就perfect~

反而這兩款Empire waist高腰線的婚紗有點Jane Austen感, 意外不錯耶~

最後附送官網: http://www.jillstuart-wedding.com/

心目中的婚禮 (寫於13年6月)

距離上次紀錄過了4個月, 又是時候紀錄一下心目中婚禮是如何, 看看有沒有變化

原來: 不拍婚紗相, 後改為帶婚紗旅遊自拍
13年6月: 不變, 但男友提議年底到泰國旅遊時, 再拍

原來: 大禮一切從簡, 希望用一封包羅萬有利是代替所有
13年6月:  未確定

原來: 不用穿裙掛
13年6月:  未確定

原來: 不要玩兄弟
13年6月:  看到running man有個遊戲好好玩.......可能有變......

原來: 只要兩, 三位姐妹, 沒有指定服飾, 不訂造, 助為資助置裝, 希望婚禮後大家可以繼續穿著
13年6月:  不變

原來: 唔擺酒, 最好大家"免禮", 簡單cocktail證婚 (唉....已變)
13年6月:  提議給否決, 已shortlist了幾家酒樓, 公佈後再聯繫

原來: 簡單穿一套婚紗, 時間留給親戚朋友傾計影相
13年6月:  跟有豐富姐妹經驗的伴娘談過, 擺酒的話沒人穿婚紗斟茶敬酒, 最少也要多預2套晚裝 

原來: 簡單造型, 一個髮髻幾殳花, 無幾層眼睫毛
13年6月:  不變, 已shortlist心水 mua

原來: 新郎著西裝, 毋需禮服
13年6月:  應該不變

原來: 媽媽們著得體套裝, 唔想要珠片衫
13年6月:  不變, 但男友評論: 這不是我們可決定的事, 不要有希望才不會失望.....

原來: 簽名筆, 戒指枕等等只用一次的東東可免則免, 最怕婚禮後留亦難時掉亦難
13年6月:  少少變化, 在荷蘭看到一個小盤好可愛, 買了當戒指盤, 不過看到原來可印字的黏土戒指盤賣的不貴, DIY亦容易, 有少少心動......

婚禮預算

承上文, 男友是個非常實在的人 (以為自己好實際, 仍然敗給他), 提到辦婚禮, 一開始就確認費用由他負責, 我就負責籌辦

大家初步商議結果是簡單證婚午餐, 不用人情, 大家高興了事, 最後做好功課, 發現這麼一辦要7-8萬左右, 就認為錢花了但其他人只會誤認為慳錢求其辦午餐, 倒不如正經擺酒, 可憐我最唔想擺酒, 不過男友決定了就不肯改變 (crying)

跟少數知道婚訊的朋友吐苦水, 想了好久才接受需要擺酒的事實, 唯有跟L先生確認他目標婚禮駛費, 答案是: 十萬!

SERIOUSLY ????? 雖然我們不是可以辦百萬大婚之人, 自己也不需要夢幻婚禮, 但十萬!?! 香港平均婚禮支出是近三十萬耶!!!!!!!! 聽到這種天花行空的預算, 也沒心思再問是否包括人情計算在內..........
不過男友一口咬定: 花大錢在短短一天婚禮之上, 毫不實際, 不如留錢在蜜月 (勸解不成, 用旅遊引誘我!)
著我「睇餸食飯」, 自行安排預算, 其他不管; 如果要買夢幻婚紗, 可以, 前題是成功說服家人接受到註冊處簽紙; 尤其男家是完全沒有所謂, 他兩位姐姐結婚就沒有擺酒云云

就這樣, 預算就定下來, 自己總不可以說老娘有的是錢, 付款等我來這樣吧!?

只好默默答應, 還好打算邀請賓客不多, 十圍賓客左右, 酒樓菜單價格都是六、七千左右, 儘量預算如此不切實際, 自己仍然希望可以在不超支下完成

紀錄一下空想預算, 看看最後如何超支, 如何解決

婚宴: 70,000~80,000  (心底話: 估計不行)
禮服: 7,000內  (心底話: 已打算自行付賬)
化妝: 7,000內 (心底話: 不找全日化妝, 估計可以)
攝影: 10,000內 (心底話: 未知, 拍攝公司價錢差參, 不過男友好友是有名的[非婚宴]攝影師, 最壞打算找他幫忙)
雜費: 5,000 (心底話: 不做大龍鳳的話, 不會超支太多)

記小事一則

男友並不是一個知情識趣既人, 約會/生日等等都會忘記, 只可以套用朋友一句話: 就像買電器, 款式功能樣樣好, 就是欠缺leave i甜言蜜語功能, take it or leave it, 最後當然選擇繼續啦; 只不過每次看到別人分享甜蜜事就更覺男友可惡

上星期五, 追劇到半夜3-4點, 準備入房休息, 竟然發現房門突然壞左, 明明無鎖門都開唔到 , 用盡辦法都開唔到, 入唔到房就不單無床可睡之餘連第二日返工衫都無得換; 自己又要一個人住, 完全無人幫手, 好無助
唯有whatsapp俾男友呻, 正常佢睡前都會轉震機, 純粹想whatsapp發洩下, 估唔到佢醒左, 用電話指示一下開鎖, 發覺解決不到問題就簡單一句: 我而家過黎~ 咁就馬上由西貢飛車出九龍幫我開鎖
雖然佢都唔識, 大家又睇youtube教學又試下拆鎖, 最後都係暴力對待, 用力撞門解決

成功開門已經天光, 男友就叫我上床休息, 否則唔知醒, 然後就自己渣車走, 仲要晏少少morning call叫醒我

當需要男友時就馬上趕到身邊, 這男人也算無可挑剔吧, 自己反而時有投訴, 真的要學習接受同包容一下對方既缺點, 才能真正踏上婚姻之道....